الهى الحبيب …
ليتنى اشبع و تكون انت كفايتى
فالكل منك .. و الكل فيك .. و الكل ليك 🙏🏼
ازيك 😊
😊ازيك
😄اية اخبار الدنيا ؟ يارب تكون جميل و حلو و مليان فرح
كنت عاوز اسألك على حاجة .. عارف اننا اما ندخل الابدية هنفضل على طول الى الابد مش بنعمل حاجة الا اننا بنسبح ربنا و عايشين فى عشرتة مع القديسين .. تفتكر هتبقى حاجة ممله ؟؟!!!!!!!!!!!!!!!!!!!!!
فكر فيها كده دقيقة و كمل قراية ..
😅اوعى تكمل قبل ما الدقيقة تخلص
قصة صغيرة 🧭
عاوز احكيلك قصة صغيرة و بعد كده اكلمك فى موضوع:
كان فى دير من الاديرة عملوا وقت محدد ان يخرج فيه كل الآباء علشان يعملوا خلوة فى الصحراء اللى بره الدير و يتأملوا فى الطبيعه و الجبل و يسبحوا ربنا و كانوا بيرجعوا قبل ما الدنيا تضلم علشان محدش يتوه فى الصحراء و خصوصاً زمان ماكنش فية موبايلات ولا Google maps.. خرج الآباء و استمتعوا كالعاده و رجعوا الدير .. و لكن المفاجأه اللى حصلت ان ” ابونا بطرس ” مرجعش !!!! 😳
استنوا نص ساعه .. ساعه .. ساعتين .. لسة ابونا مرجعش !!! .. رئيس الدير اوصى الرهبان كلهم انهم يتجمعوا يصلوا و بعت 5 يدورا علية رجعوا بعد فترة و هما مش واصلين لاى حاجة .. شوية و رئيس الدير بعت 10 رهبان تانى و لكن رجعوا بعدها برده ملقوش لابونا بطرس أثر .. و الكل كان بيسأل ياترى اية اللى حصل؟؟!! .. اكله حيوان مفترس .. تاه فى الصحراء الواسعه و معرفش يرجع؟؟!! .. لدغه عقرب؟؟!! .. حد خطفه او قتله؟؟!! .. اسئله كتير و محدش لاقى اجابه !! .. و فى محاوله اخيرة امر رئيس الدير ان جرس الدير يرن متواصل لمدة 24 ساعه علشان لو ابونا بطرس تايه يحاول يسمعه و يمشى فى اتجاه الصوت و لكن نتيجتها كانت زى المحاولات اللى فاتت .. و اختفى ابونا بطرس تماماً لسنين كتيره !!!.
بعد ما فات 100 سنه على الحادثه دى .. و فى يوم الصبح ابونا الراهب اللى ماسك البوابة سمع حد بيخبط .. فتح الباب لقى اب راهب عجوز جداً بيقوله: ” سلام يا ابونا انت مين انا مش عارفك!! “، قاله: ” انا موجود فى الدير بقالى 20 سنه و عمرى ما شفت قدسك!! قدسك اسمك اية؟؟ “.. ابونا العجوز: ” ابونا بطرس يا ابنى ” !!!!!!!!!!!!!!
فتحوا الكشوف اللى فيها اسماء الرهبان .. فعلاً لقوا اسمه فى الكشوف القديمة اللى كانت معموله من القرن اللى قبله و مكتوب قدام الاسم (خرج فى خلوه و لم يعد) !!!!!!
هو اللى حصل ان الراهب ده دخل فى مرحلة روحية اسمها (الهزيز) دى درجة روحية عالية محسش بالوقت و كان بالنسبة له ال 100 سنة دى عبارة عن يوم كلها كانت صلاه و ربنا ادالة النعمه دى.
طبعاً دى درجة كبيرة و مش بتاعتنا لكن الفكرة فى المبدأ .. مهما فضلت تاخد من ربنا عمرك ما هتجيب آخرة. 🙏🏼😇
صلاة 🤲
ما أعظم عذوبتك يا ربى يسوع المحبوب. امنحنى أن أكون فيك وأستريح بك وحدك فوق كل شىء. ياربى يسوع نور المجد الأبدى، وسلوان النفس المسافرة فى أرض غربتها، هاصوتى الخافت يخاطبك: احبك يا إلهى .. اجعلنى امتلئ بك و اشبع بهذا الحب الابدى الغير موصوف
أنت فرحى وبهجتى، وبدونك مائدتى طعامها مر.، فأنر على بوجهك، واعتق نفسى لترى جمالك. ليطلب غيرى عوضك أشياء ترضيه، أما أنا فإنى لاأرضى ولا أشبع إلا بك ياربى وإلهى.
فلتكن ياربى وإلهى مباركًا إلى الأبد، لأنك تفضلت على عبدك بكثرة جودك ورحمتك. فلماذا بقى لعبدك لأقدم بين يديك، إلا أن أجنى نفسى أمامك, وأشكر كثرة إحسانك؟! فإن أعمالك حميدة, وأحكامك عادلة, و بعنايتك تدبر الأشياء بأسرها. ليسبحك فمى وقلبى وكافة حواسى, يا من تباركك جميع الكائنات, لك المجد إلى الأبد. امين.
آتى إليك 🚶🏻♂️➡️
طبعاً القصة اللى فاتت بتتكلم عن مستوى عالى اوى عنا .. لكن تعالوا ناخد خيط بس من الموضوع ونطبقة على حياتنا هنا فى العالم .. قد اية احساس جميل لما تحس انك بتتملى بربنا و ان كل ما بتتملى كل ما الجزء اللى فيك مرتبط بالعالم بيقل .. اد اية جميل لما يكون ربنا هو الشغل الشاغل للانسان و لكن للاسف ساعات احنا بنتعطل عن اننا نتملى .. ساعات بنتعطل بمزاجنا لو كنا بنخطئ عن قصد و عن حب فى خطية معينة .. و ساعات بنتعطل غصب عننا لما بنخطئ عن ضعف اراده .. فى الحالتين بنفقد القدرة على التمتع و الشبع بربنا و الاحساس بوجوده .. كل الخطايا اللى بتحصل فى حياتنا بتبقى نتيجة جوع، علشان كده العلاج الجزرى لاى خطية هو انك تشبع بربنا.
آتى إليك يا يسوعي أنت المريح
آتى إليك بدموعي و بقلب جريح
القرار:
أتى إليك، أنا آتى إليك، وأنا أتى إليك
و أنا ليا مين غيرك و أروح لمين غيرك
أنا آتى إليك، أنا آتى إليك
+
آتى إليك يا حبيبي يا أعز حبيب
آتى إليك بذنوبي عند الصليب
+
آتى إليك يا راعىَّ في كل الظروف
إن سرت حتى في الوادي لا يوجد خوف
+
آتى إليك كرسني و امسح شفتاي
و املأني من روح الطاعة وقد خطاي
+
آتى إليك احميني من حب الذات
آتى إليك ارفعني فوق الضعفات
زي الطفل 😇
احنا بالظبط عاملين زى الطفل الصغير .. لما يكون شبعان يضحك او ينام فى سلام و يكون مُريح للى حوالية و لكن لما يكون جعان بيقعد يعيط و يكون متعب للناس .. قيس انت متعب للى حواليك اعرف انك مش شبعان و لو انت مُريح للى حواليك تبقى انت شبعان بربنا.
عاوز اقولك حاجة كمان .. انت لما تشبع بربنا هتتحول لشخصية جديدة جميلة .. زى ” زكا العشار” لما حاول انه يشبع اتحول من انسان عشار الى واحد اتبرع بنص فلوسه للفقراء.
خمساية مع نفسك ⏰
فكر 5 دقائق فى اية الحاجات اللى بتعطلك و بتفصلك عن ربنا و بتعطل احساسك انك بتتملى :
1-
2-
3-
4-
5-
ربي يسوع الغالي ❤️
ربي يسوع الغالي مفيش زيه حبيب
معاه بتهون الغربة ويهون حمل الصليب
القرار:
محلا العشرة وياه يسوع رب السما
يبارك الحياه و العيشة حلوة معاه
أنا عايش في حماه
+
وبعز يا نفس دوسي على كل المغريات
ده حبيبي حلقه حلاوة وكله مشتهيات
+
وآلامي في البرية مهما كانت كتير
ع الأذرع الأبدية يحملني القدير
+
وسعادة أبدية كما قال الكتاب
هنا في عيشة هنية وهناك في بيت الآب
ازاى نشبع؟؟
تعالوا مع بعض نعرف ازاى نشبع؟؟
1- اعترف انك جعان : صارح نفسك بالحقيقة و اعترف انك مقصر مع ربنا.
2- اجرى على ربنا مع اى موقف : فى ضيقة فى مرض فى اى حاجة اجرى و اتكلم معاه.
3- اشرب براحتك (صلى) : مفيش حد جعان بياكل لقمة و يجرى و يقول شبعت .. و مفيش حد لو الدكتور مثلاً قاله خد قرص دواء كل يوم فهو راح قسم القرص اتنين علشان علبة الدواء تكفى معاه اكتر كده هو بيضر نفسة .. مادام انت عارف انك جعان ماتستخسرش فى نفسك وجبتك الكامله و صلى كتير.
4- الانجيل : اوعى تبعد عن كلمة ربنا.
5- المذبح : وجبة دسمة جداً.