اية الاخبار ؟ تمام ؟
الصحة كويسة وكله لذيد ولا لأ ؟
ما تيجى نتكلم شوية مع بعض .. بس بصراحة هه
بتحس ساعات انك متضايق ؟ .. مخنوق ؟ .. حاسس ان اللى جاى اوحش من اللى فات ؟َ! .. مستقبلك هيضيع .. اصحابك هيسيبوك .. مش عارف تتعامل مع الناس ؟ .. حاسس انك مكروه و مش نافع فى حاجة ؟ ……….
حيلك يا عم اية السواد ده كله .. قبل ما اكمل كلام معاك اقلب الكارت ده
أضحك
رسالة
انت عارف ان الكتاب المقدس بيقولك ” لا تكن الا فرحاً ” ..
دى صيغة أمر 👌🏻 .. طب اقنعنى لو انت بجد مؤمن من كل قلبك ان الهك قادر على كل شئ ❤️ .. انك بجد ابنه و صاحبه اللى من كتر حبه فيك نزل و مات علشانك ✝️ .. انك شغله الشاغل .. ان اصغر حاجة انت بتفكر فيها هو مش ناسيها 🙌🏻 .. لا مش بس كده .. ده كمان اللى انت محتاجه و ناسى انك محتاجه هو فاكره .. طب اية حجتك لما تكون حزين و متضايق ؟ 🤔 .. مش بقوك انك عمرك ما هتتعرض لحاجة تخليك تشعر بالحزن .. دى مشاعر موجوده جوانا .. لكن قصدى لما دايماً كده تكون حزين و متضايق دى مش من صفات ولاد ربنا خالص . 😊
تعالى نقول ترنيمة كده صغيرة و نكمل كلامنا 😇
ترنيمة إلهنا عظيم
الهنا عظيم الهنا أمين … وحافظ عهده سنين وسنين
بيطعم شعبه في بريه … ويطلق أسرى ومسبين
إله دانيال ورب داوود … بنؤمن انه ما زال موجود
ينجي عبيده حسب وعده … من سيف جليات وجب أسود
يا الهنا الصالح شكرا ليك مهما بنشكر مش هنوفيك
دي مراحمك جيل ورا جيل وامانتك ثابته وما بتزول
أعمالك تشهد لك وتقول يارب ملكش مثيل
في قلب السجن ووسط النار … بتيجي بقوة يا اوفى صديق
وان وقف البحر قصاد شعبك … تشقه وتعمل منه طريق
ما في أبواب ولا اسوار …….. أمامك تقوى يا جبار
وان اضطهدوا في مرة ولادك ……. نشوفك وسط أتون النار
يا الهنا الصالح شكرا ليك مهما بنشكر مش هنوفيك
دي مراحمك جيل ورا جيل وامانتك ثابتة وما بتزول
أعمالك تشهد لك وتقول يارب ملكش مثيل
إله أبائنا وأجدادنا ….. عهودك لينا ولولادنا
يا فادي من الحفرة حياتنا …. وعدتنا لسما هتاخدنا
بنعلن أن ايمانا اكيد …. من يوم انكرنا وصاح الديك
بنظرة حب ادوبنا …. ونرجع تاني بتوبة إليك
يا الهنا الصالح شكرا ليك مهما بنشكر مش هنوفيك
دي مراحمك جيل ورا جيل وامانتك ثابته وما بتزول
أعمالك تشهد لك وتقول يارب ملكش مثيل
خمساية مع نفسك
فكر كدة ٥ دقائق فى اية اللى ممكن يخليك تكون حزين فى وقت و تعالى نكمل كلامنا.
ماتكملش قراية الا بعد ما الخمس دقائق تخلص و تكون فكرت كويس 🧐
💌 لما ال ٥ دقايق تخلص اقلب الكارت ده 💌
افرح بالرغم من التجارب
افرح بالرغم من التجارب .. و قول لربنا عاوز تفكها فكها .. عاوز تخليها خليها .. عاوز تعقدها عقدها .. بس دايماً خليك جنبى و فرحنى
عارفين اننا ساعات الناس ممكن تقول علينا ماعندناش دم .. بس الحقيقة هما مش فاهمين كويس .. لكن خليك انت شاطر و فاهم كويس .. الكتاب يقول « كحزانى و نحن دائماُ فرحون
افرح لان معاك اله ماشافتش العين فى حنيته .. افرح
ترنيمة لم تر عيناً إلها غيرك
لم ترَ عين إلهاً غيرك
يفتح السجن وينزع القيود
ويشق الغمر فإذا طريق
لا تعوقه جبال أو سدود
مَنْ سواك يتراءى في الآتون
أو ينجي النفس من جب الأسود
مَنْ يُنير القفر إن حلّ الظلام
بلهيب حب في صورة عامود
كم تألمت على عود الصليب
كي تُعد لي مكاناً في الخلود
ووعدتني ستأتي عن قريب
وتهبني ثقل مجد بالصعود
لم تكن عيناي يارب تراك
فخطاياي تحجب رؤياك
فأنا مولود أعمى من زمان
فاطلي بالطين عيناي كي أراك
كم غمرتني بحبك العجيب
وأسرتني فلك أنا أسير
فخرجت أخبر عنك الآخرين
كنت أعمى والآن أنا بصير
صلاة
الهنا الطيب ….
انا لا اقدر ان احتمل التجربه … وحدي
اراها ثقيلة علىَّ … و خساره فادحه لىَّ
افتح عينى يارب … لكى اراها مكسباً ضخماً لحساب الملكوت
افتح عينى … لكى ارى لست انا الذى احمل التجربه .. بل انت الذى تحملنى بتجاربى
افتح عينى … فاستطيع ان افرح معك بالرغم من كل شئ.
أذقنى طعم حضورك وسط اتون النار .. فأهتف مع الثلاثة فتيه
أذقنى طعم نورك البهى وسط ظلام الجب .. فأسبحك مع دانيال
سمعنى صوتك الالهى .. واضحاً .. و انا كالص المصلوب الى جوارك
الهنا الطيب ….
انت تقدر ان تحول تجربتى الى فرح .. و ضيقتى الى عزاء .. و خسارتى الى مكسب .. و ضعفى الى قوة
لأنك اله الفرح الأبدى ….
أخيراً
اخيراً ..
الانسان الحزين يحتاج الى حضن يضمه و يحتويه و الى من يخفف عنه و يعزيه .. لا يحتاج الى المنطق او الفكر ولا يحتاج الى شروحات و حلول عقلانيه .. بل يحتاج دائماً أن يكتشف انه محبوب و مقبول فى ذاته …
++++++++++++++++++
من جثمانى .. اصرخ اليك
انت وحدك تسمعنى .. لن يسمعنى احد حتى اقرب الناس الىَّ
انا تعبان جداً .. و حزين .. و يائس
كاد ارى دموعك .. و المس عرقك كقطرات الدم …
قد جاءك ملاك يقول لك .. لك القوة و المجد …
و انا احتاجك ان تقول لى .. انا معك .. اقويك و امجدك …
فى ظلام الليل و الناس نسام .. لن يشعر بى الا قلبك الرقيق …
ارحمنى يارب لانى ضعيف .. اشفينى يارب لان نفسى قد ذبلت …
علمنى ان اقول مثلك لتكن مشيئتك لا مشيئتى
علمنى ان افرح لانك انت الهى .. و اتمتع بابوتك لى 😇